La granda chasa al prinzipi dal cumün nu spordschaiva plü lö avuonda per las famiglias da seis tschinch figls. Per quel motiv cumpret Men Bazzell (1843 – 1912) la chasa surataglia 266 per seis figl Enrico (Andry) e sia donna Lucy Po, la figlia dal poet Chasper Po. (ulteriurs details sün; www.sent-online.ch ). Sco randulins vivaivan els a la Spezia e manaivan ils affars Bazzell – Crastan. Mincha stà tournaivan els cun lur trais figlias Maricci, Anny e Lolo in lur patria a Sent.1939 spuset Lolo Bazzell a Men Zisler, figl da Curdin Zisler e Ida Crastan.
1956 surpigliet Lolo Zisler- Bazzell la chasa, daspö il 2001 apartegna ella a las figlias Ida Zisler e Lucy Milde